स्मार्ट इन्फोटेकमा कम्प्युटर सीप परीक्षण कक्षाको तयारी गरिरहनुभएका साथीहरूका लागि कम्प्युटर सीप परीक्षण, अन्तर्वार्ता तथा सामूहिक छलफल अभिमूखीकरण कार्यक्रम सम्पन्न भयो । कार्यक्रममा गण्डकी प्रदेश पाँचौं तह, कर्णाली प्रदेश कम्प्युटर अपरेटर चौथो तह तथा बागमती प्रदेश अधिकृत सातौं तहको लागि भर्ना हुनुभएका साथीहरू सहभागी रहनुभयो । कार्यक्रममा भौतिक र अनलाइन गरी लगभग १०० जना साथीहरूको सहभागिता रह्यो । कार्यक्रममा वसन्त बलामी (कम्प्युटर अपरेटर) सरले कम्प्युटर सीप परीक्षण परीक्षाका टिप्स दिनुभयो भने तथा कमल भुसाल (शाखा अधिकृत) र नवराज अधिकारी (उप सचिव) सरहरूले अन्तर्वार्ता एवम् अधिकृतका लागि सामूहिक परीक्षणको नमूना सञ्चालन गर्नुका साथै केही टिप्सहरू प्रदान गर्नुभयो ।